بەرنامەی هەشت کڵاوەکە (8 CAPS)

بەرنامەی هەشت کڵاوەکە بە ڕێبەڕێکی وردی ڕاهێنانە کردارییەکان دادەنرێت کە بە شێوەیەکی پلەبەپلە لە ئاسانەوە بۆ قورس ڕێکخراوە بۆ گەشەپێدانی وەڵامدانەوە و تواناکانی منداڵ لە قۆناغی دەستوەردانی پێشوەختەدا، لە ڕێگەی کڵاوەکانی پەیوەندی، چاوڵێکەری، زمان، چاودێری خۆ، ئامادەیی خوێندنگە، و پەیوەندیی کاریگەر، سەرەڕای ڕوونکردنەوەی چۆنیەتیی هەڵسەنگاندنی ئەو منداڵانەی بەدەست تێکچوونی تەیفی ئۆتیزمەوە دەناڵێنن.

ئەم بەرنامەیە بە مەنهەجێکی ڕێنماییکار دادەنرێت، چونکە ڕێنمایی پەروەردەکاران و پسپۆڕان دەکات بۆ ئەو هەنگاوانەی دەبێت پەیڕەو بكرێن لە کارکردن لەگەڵ منداڵانی تەیفی ئۆتیزم و فێرکردنیان لە ڕێگەی شیکردنەوەی وردی لێهاتووییەکان و دیاریکردنی ئامانجی هر لێهاتووییەک، بەمەش یارمەتیدەر دەبێت لە دانانی بەرنامەیەکی پەروەردەیی کرداری بۆ منداڵ کە لەگەڵ پێداویستییەکانیدا بگونجێت.